 |
Is Rúnaí Ginearálta é Brendan Tuohy
i Roinn Cumarsáide, Mara agus Acmhainní Nádúrtha na hÉireann.
Ceapadh i mí Meithimh 2002 é nuair a bunaíodh an Roinn.
Tá an Roinn Cumarsáide, Mara agus Acmhainní Nádúrtha freagrach
as roinnt earnálacha sa gheilleagar lena n-áirítear teileachumarsáideanna,
craoltóireacht, postas, ríomhthráchtáil, cúrsaí mara,
cúrsaí iascaigh, uisceachultúr, poirt, taiscéaladh, mianadóireacht,
foraoiseacht, fuinneamh agus acmhainní inathnuaite.
Bhí Brendan mar Rúnaí Ginearálta sa Roinn Fiontair Phoiblí
roimhe sin agus roimhe sin arís bhí sé mar Rúnaí Cúnta
sa Roinn sin agus sa Roinn ar tháinig sí i gcomharbacht
uirthi, An Roinn Iompair, Fuinnimh agus Cumarsáide. I
láthair na huaire is ball é den Chomhairle Náisiúnta Eacnamaíochta
agus Sóisialta (www.nesc.ie)
agus de Thascfhórsa na Náisiún Aontaithe ar Theicneolaíocht
Faisnéise agus Cumarsáide le haghaidh Forbartha (www.unicttaskforce.org)
Tá céim bainte amach aige in innealtóireacht shibhialta
ó Choláiste na hOllscoile, Corcaigh mar aon le cáilíochtaí
iarchéime in innealtóireacht chomhshaoil agus i mbainistíocht
ó Ollscoil Bhaile Átha Cliath, Coláiste na Tríonóide. |
|
|
