| |
 |
|
Beathaisnéis |
|
|
|
|
|
|
| Ainm: |
James Bosco, PhD. |
|
|
|
Teideal: |
An
féidir Scoileanna a Athchóiriú? I dTreo an Gealltanas
maidir le Teicneolaíocht Faisnéise agus Cumarsáide (TFC)
inár Scoileanna a Choinneáil
|
|
|
| Dáta: |
Dé Luain, 17 Bealtaine 2004. |
|
|
| Am: |
16.15 –17.15 |
|
|
|
|
|
|
|
|
Tá James Bosco mar Ollamh
sa Roinn Staidéar Oideachasúil in Ollscoil Iarthar Michigan
i Kalamazoo, Michigan agus is é an Stiúrthóir é ar Chaidrimh
Theicneolaíochta Oideachasúla Eachtracha don Choláiste
Oideachais in Ollscoil Iarthar Michigan. Mar chuid de
na poist sin, oibríonn sé ag leibhéal an stáit agus ag
leibhéal náisiúnta chun nascanna a chothú idir Ollscoil
Iarthar Michigan agus gníomhaireachtaí agus eagraíochtaí
eile chun úsáid na teicneolaíochta i scoileanna K-12 agus
in oiliúint daoine proifisiúnta a leathnú agus a fheabhsú.
Bhí ról mór aige i scoileanna i Michigan a cheangal leis
an Idirlíon agus tá sé go fóill páirteach i roinnt tionscnamh
teicneolaíochta ag leibhéal an stáit i Michigan. Bhí sé
ina bhall de ghrúpa oibre teicneolaíochta an tSeanadóra
Carl Levin as ar eascair sraith thionscnamh Theicneolaíocht
Faisnéise agus Cumarsáide (TFC) i scoileanna i Michigan.
Bhí sé i gceannas ar na hiarrachtaí i Michigan chun Cór
Teicneolaíochta a bhunú agus bhí sé mar chomheagraí ar
ThinkQuest i Michigan. I láthair na huaire tá sé mar bhall
den Choiste Comhairliúcháin Stáit do thionscnamh raidió
dhuine ar dhuine K-12 i Michigan. Bhí baint mhór aige
le TFC ag leibhéal náisiúnta freisin. Ba chathaoirleach
é ar an gCuibhreannas do Líonrú Scoileanna (CoSN) agus
is é an comhchathaoirleach i láthair na huaire é ar Choiste
Idirnáisiúnta CoSN. Bhí sé freagrach as Caighdeáin Teicneolaíochta
do Riarthóirí Scoile a bhunú ar ghlac an tSochaí Idirnáisiúnta
um Theicneolaíocht san Oideachas (ISTE) leo mar NETS*A
agus tá sé ar choiste comhairliúcháin an ISTE le haghaidh
teicneolaíochta do riarthóirí scoileanna. Le blianta beaga
anuas tá sé ag díriú ar TFC mar a bhaineann sí le saincheisteanna
athchóiriú scoileanna. Bhí sé mar chomhstiúrthóir ar thionscadal
de chuid na Fondúireachta Kellog ar athchóiriú scoileanna
meánleibhéil agus i láthair na huaire tá sé ag obair ar
leabhar a bhfuil athchóiriú scoileanna mar ábhar aige. |
|
|
|
|
|
|
|
|
|
